خطر هالاشكال على عيالنا ..

17 ديسمبر، 2018 Off By MishaL78

 

 

انا ما اروح مجمعات ولا اروح مطاعم الا نادراً .. علشان جذي ما اشوف ظاهره الفاشنستات التعيسه.. بس قبل جم يوم .. كنت في مطعم معين بمجمع مشهور, سمعت صوت ازعاج وتجمع ناس بشكل مستغز حول وحده من الفاشنستات يبون يصورون معاها ” اخلاقها لك عليها ” .. الغريب مو جذي .. الغريب ان كان وراها, مصور كبر البغل يصور تحركاتها بشكل منفر للعالم وبسرعة اختفى الناس اللي كانوا يبون يصورون معاها واختبوا كل اللي بالمطعم لوجودها فيه, لما تشوف تصرف من المجتمع لوحده نفس هذي واكيد في غيرها واجد .. تسأل الله السلامه وتقول الله يستر على مستقبل هالديرة من هالظاهرة العفنة, نصيحة علموا عيالك ان هذول مجرد دمى للعرض ويسوون اي شي مقابل المال، بينوا لهم الفرق بين حقيقتهم وواقعهم التعيس وبين شخصياتهم في الميديا, وضحوا لعيالكم ان هالاشكال سواء فاشنستات او مهرجين ما ينفعون يكونون قدوة يقتدى بها، يشوفون تناقضاتهم ، خلوهم يعرفون شلون المادة تتحكم فيهم, احنا في مرحلة خطرة .. اذا ما ربيتوا عيالكم صح وبينا لهم ان هالاشكال سطحيين وتافهين ويتبعون المادة راح يطلع لنا جيل تافه على شاكلتهم .. انتهى