العداوات في حياتنا ..

10 يوليو، 2018 Off By MishaL78

 

 

كلنا عندنا عداوات نترفع عنها لانها من ناس ماتسوى، وعندنا ناس تراقبنا بمواقع التواصل وتصور تغريداتنا ويتداولونها بين بعض لغرض الحش وغيره, انك تكون شخص بدون عداوات او وجود ناس حاقدة عليك من الاقارب او المعارف هذا كلام فاضي او انت انسان مومهم بالنسبة لمحيطك ، الناس تكره اي شي, العاقل يعرف يتصرف مع هالاشكال بالتجاهل وعدم تضخيم الامور لأن النقد صادر من حاقدين لذلك لاتبرر لانك مهما بررت مايقتنعون لانهم كارهينك, والرقلة الصقعة اللي يردح ايام وساعات بتويتر عن شلون اقاربه او معارفه حاقدين عليه ويبرر ويشتط ويشد حيله ان اهو بريء وطيب وعلى نياته.

 

خلاصة الكلام خلك ماشي سيدا على مبادئك، وتعاملك مع كل شخص يكون على شخصيتك انت مو تتلون مع كل واحد، اللي يبيك بيستمر معاك وغيره مايشوفون شر.