شوية نصايح .. يمكن تفيدكم ..

17 أغسطس، 2018 Off By MishaL78

شوية نصايح .. يمكن تفيدكم .. بحياة الواقعية وتويتر بعد

 

 

١- مايصير لام تقص على الناس بشغلة وتدعي انك مظلوم وان وضعك موزين علشان تسيء لشخص .. ولما يقوم الشخص يطلع خياسك وتطلع جذاب .. تقول عنه يتجسس علي ويتتبع اخباري .. هذا كان يدافع عن نفسه.

٢- مايصير عينك على الناس ٢٤ ساعة .. وتكون سالفة وموضوع من خيالك المريض وتعتبره حقيقة عن الشخص وتبدي تتكلم عن هالسالفة كأنة صج .

٣- لما تشوف احد عنده حالة خاصة او يصير فيه مرض معين .. مالك اي حق يالتافه انك تحدد ان اللي فيه ابتلاء لأنه المؤمن مُبتلى لأنك تحبه .. أو تقول عقاب من الله لأنك ما تحبه .

٤- سالفة انك تسوي الشي ويكون عادي عندك لأن عيالك او اخوانك يسوونه بس اذا غيرهم سوو الشي تعتبرة كبيرة وغلط .. هالشي تشوفه عادي بس الناس تشوفك انسان واطي وتضحك عليك.

٥- ما يصير تعتبر نفسك انسان صاحب راي وما يترضى بالغلط وتنتقد سياسات الفساد بالديرة وما تنتقد اقرب الناس لك اللي نهب مكان عمله وحلبه حلاب ومابقى احد ما جايه من ديرتة بتجارة الاقامة لأنه مركزه يسمح بهالنوع.

٦- تربية اهلك لك بالعادة تكون زينة .. بس اخلاقك لما تغرك الدنيا والحسد ياكل قلبك هالشي الناس تدري ان تربية اهلك مالها شغل بقلبك الاسود.. الوصخ صعبة ينظف .

٧- تدليل امك لك هذا شي خاص فيها .. حضرتك مو من حقك تطالب الناس انهم يعاملونك معاملة امك وتدليعها لك . بالنهاية الناس راح تربيك احسن من تربية امك لأنها طلعت مو رجال .

٨- تويتر موقع للتواصل الاجتماعي فيه اكثر من ٣١٧ مليون مستخدم .. يعني احتمالية ان احد يقصدك بتغريدة غير وارد خصوصاً ان في واجد منك .. رقلات .

٩- مو ضروري نعرف شنو رايك بكل موضوع .. اكتبه بتغريدة وكيفك .. سالفة انك تدش منشن وتقول رايك وتفرضه على غيرك هالشي يعتبر ثوالة .

١٠- عزيزتي احنا نعتذر منج لسوء تربيتج .. العالم هذا في شريفات وعفيفات اكثر مما تتصورين .. سالفة ان كل البنات يستشرفون لأن انتي وصديقاتج غير شريفات مو صحيحة آسفين .

١١- عقدكم ، جنونكم ، هوسكم ، اضطراباتك النفسية احنا مو ضروري نعرفها وتطلعها علينا ، احنا مو اهلك علشان نكون جزء من علاجهم، كافي علينا المجانين والمعقدين بحياتنا الواقعية مو ناقصين نشوفهم بتويتر .

١٢- مرحبا .. عزيزتي مرة أخرى .. مو كل واحد بتويتر ما عطاج وجه طلعتي عليه اشاعة انه خروف وطاردتة رفيجتة يكلم غيرها .. يمكن يكون متزوج ومرتاح ويمكن تكونين اصلاً ما عجبتيه لأنج تشابهين سايقهم .. وهذا وارد .

١٣- عزيزتي المحترمة .. لا تثقين في اي بنت بتويتر بحساب.. لأني للامانه اعرف ٣ بنات بتويتر متزوجين وعندهم عيال من حريمهم .. اي نعم و وحدة منهم اسمها بو بدر وتوه مخصص بغرب عبدالله المبارك وبيته سد .

١٤- امكم وابوكم .. حبوهم بالبيت مو في تويتر .. واحنا ابداً ما يهمنا بركم لهم .. الاجر لكم مو لنا … وماله داعي اللوكيشن يكون تحت اقدام امي .. الله يخليها لكم .