فطاير الفيحا ajeen.kw

6 ديسمبر، 2020 Off By MishaL78

المطاعم بالكويت متعددة ومتنوعة وكل يوم والثاني طالع مطعم جديد بفنتك جديد

وبما ان شغلي بالـFood Photography قررت اني اشارككم بتجاربي للمطاعم المختلفة اللي سبق وجربتها وحسيت انها مميزة عن غيرها وغير مكررة بالاطباق والوجبات اللي تقدمها .. وبتكلم عن الاكل اللي عجبني فيها بالتحديد ..وهذه المواضيع سميتها Lets Food with M.D

 

 

 

 

 

مطعمنا اليوم

 

 

 

 

 

فطاير جمعية الفيحاء Ajeen.kw 

 

 

 

   فطاير عجين .. محل فطاير موجود في منطقة الفيحا وتحديدا في الجمعية التعاونية , اعتبره من افضل محلات الفطاير والمعجنات اللي جربتهم

 

لوكيشن الموقع

 

 

 

 

 

المطعم شفت اعلانه بالسبونسر بالانستغرام وسبق اني سمعت عنه من واحد من الربع بمنطقة الفيحا يمدح محل فطاير الجمعية وقلت مثل ما كل واحد فينا يحب شغل جمعيتهم قلت يمكن يبالغ .. شفت الصور بالانستغرام وقلت اجرب .. عجبني عندهم شي اسمه بيتزا محشي برغر .. الفكرة غريبة وبنفس الوقت تحسها تبربس بس لما طلبتها وذقتها للامانة الطعم كان متوازن ومتداخل ما تحس بأن طعم البيتزا داش بالبرغر الطعم بروحه شي جديد .

وطلبت معها الزعتر بالجبن مالتهم .. كمية الجبن اقل من الزعتر والزعتر محتل المساحة الاكبر وهالشي مناسب لمحبين الزعتر .. تتبيلة الزعتر بالملح اللي فيها وطعمها خفيف حيل وما تنغث لما تاكلها ..

المطعم يسوي بيتزا .. وانواع مختلفة وطعمهم مميز حيل وخفيف على المعدة من خلال تجربتي ما يعطيك احساس ان بطنك منفوخ ومنغث .. بس طبعا مو تاكل بيتزا كامله وتقول انغثيت لان هذا شي طبيعي ..

والشاميات عندهم بعد سالفة ثانية .. طعم متنوع ومشكل

ولما صار الحظر بأزمة كورونا في الكويت قام المطعم يوفر فطاير نص مطبوخة نحطها الفريزر ومتى ما بغينا نطلعها ونحطها بالفرن مدة معينة وتستوي .. وطبعا قزر علينا الحظر بهالسالفة ..

 

 

 

 

جميع صور المطعم من حسابهم بالانستغرام

@ajeen.kw

 

 

 

 

 

ملاحظة : حسابات المطاعم ومواقعهم اللي احطها ممن تتغير من وقت لي الثاني 

 

 

 

 

 

 

 

 

جميع الصور من حسابهم بالانستغرام 

وهذا حسابهم

@ajeen.kw