مطعم فريج صويلح

1 نوفمبر، 2020 Off By MishaL78

المطاعم بالكويت متعددة ومتنوعة وكل يوم والثاني طالع مطعم جديد بفنتك جديد

وبما ان شغلي بالـFood Photography قررت اني اشارككم بتجاربي للمطاعم المختلفة اللي سبق وجربتها وحسيت انها مميزة عن غيرها وغير مكررة بالاطباق والوجبات اللي تقدمها .. وبتكلم عن الاكل اللي عجبني فيها بالتحديد ..وهذه المواضيع سميتها Lets Food with M.D

 

 

مطعمنا اليوم

 

فريج صويلح

 

 

مطعم فريج صويلح .. يعتبر اشهر مطاعم الاكل الكويتي والعيوش في الكويت, المطعم قعداته غير والاجواء اللي يقدمها للزبون هم غير من استقبال وحفاوه يقدمها بطريقة مميزة … ديكور لمطعم عبارة عن بيوت الكويت القديمة ولبس العاملين عباره عن الازياء الشعبية بالكويت.

المطعم فتح اول فرع بالسالمية وبعدها فتح اكثر من فرع وفتح فرعه الاخير في لندن .

لوكيشن المطعم

 

 

المقبلات اللي يقدمها مطعم فريج صويلح لها طعم خاص ..

مثلا شوربة العدس بالخبز تعتبر من اشهى المقبلات بالمطعم بالاضافة الى السلطات وورق العنب

 

 

 

 

 

 

 

 

 

 

المطعم يقدم المأكولات الكويتية المختلفة من مجبوس لحم ومجبوس دجاج وانواع المربين ..  بالاضافة الى الهامور والتشريب والقبوط  وغيرها من الاكلات الكويتية المختلفة.

 

 

 

 

 

 

 

 

بالنسبة لي المميز في هذا المطعم اهو طبخة البرية .. وهي عباره عن عيش(ارز) ولحم مطبوخة بطريقة خاصه .. هذا اكثر شي استمتعت فيه بالمطعم

 

 

 

الريوق عند مطعم فريج صويلح دايما غير .. المطعم يوفر انواع البيض المقلي على الصاج مع خبز التنور وانواع الجبن المختلفة ..

 

وطبعا بعد هذا الاكل كله … يبيلك جاي يعدل كل اللي اكلته عندهم

 

جميع الصور من حسابهم بالانستغرام 

 

@fireej_9wail7

ملاحظة : حسابات المطاعم ومواقعهم اللي احطها ممن تتغير من وقت لي الثاني