الحظر الثاني … ثقيل

7 مارس، 2021 Off By MishaL78

رجعت عدد الاصابات بفايروس كورونا كوفيد 19 ترتفع وتعدت الارقام السابقة ووصلت فوق 1700 اصابة .. انتشر مره ثانية بسرعة والله العالم شنو السبب او ” منو السبب ” .. صارت بعض الاجراءات مثل اغلاق الضالونات والاندية الصحية لمدة شهر بس عادي المجمعات والدووانين والمطار مفتوح .. اي والله المطار مفتوح والحلاق مصكر .. المهم .. بعد عدة قرارات مني ومناك وصك هذا وافتح هذاك … تقرر الحظر من جديد من الساعة 5 المغرب لي 5 الصبح .. وطبعا رجعوا وفتحوا الاندية الصحية والصالونات .. اي والله بطلوهم مع الحظر .. المهم نكمل .. صكوا الحدايق بعدين فتحوها بعدين صارت اشياء واجد ماني عارف استوعبها من اغلاق وباركودات استثناءات … بالاحرى مافهمتها 

واليوم اهو اول يوم لتطبيق الحظر .. الساعة الحين 6 يعني بعد تطبيق الحظر الثقيل اللي الناس تأزمت نفسيا منه .. الغريب ان كل الشوارع زحمه كأن الوضع مسيرة بس بكل شوارع الكويت .. تحديدا نفس رمضان قبل الفطور بساعتين … زحمه قوية ..

اللي يخلينا نعدي هالازمة على خير ويكون بعون الكل من اللي تأزموا نفسيا بالحظر .. وهذي بعض الصور من الازدحام الحاصل بعد الحظر لان كل الناس بترجع بيوتها بنفس الوقت .. وطلع امر او قرار بالتساهل مع الناس باليوم الاول لي الساع 6 .. . 

بالبداية هذ خريطة الزحمه والوقت 

  

الصور كلها من تويتر وحقوقها محفوظة لأصحابها أكيد .. وشكرا لهم لانهم نقلوا لنا اللي يصير بالشارع .